28-гадовы аршанец прылёг паспаць на лавачку непадалёк ад дома, дзе прапісаны. Сон можа і быў салодкім, аднак горкія аказаліся рэаліі пасля таго, як ён прачнуўся. Невядомы злачынца скарыстаўся сном мужчыны і скраў у яго барсетку з дакументамі, мабільным тэлефонам і грашыма. Барсеткі злодзею паказалася мала, і ён зняў з пальца соннай ахвяры яшчэ і залаты пярсцёнак.
Прачнуўся мужчына і заявіў у міліцыю. Папярэдне супрацоўнікі органаў унутраных спраў усталявалі датычнасць да крадзяжу непрацуючага мясцовага жыхара. Узбуджана крымінальная справа.
