Зводка УУС паведамляе пра шэраг крадзяжоў на прайшоўшым тыдні. Мы ўжо паведамлялі пра некаторыя з іх - пра ўгон двух аўтамабіляў за адну ноч і крадёзж залатога кальца і барсеткі ў мужчыны, які заснуў на вуліцы. Зараз пра іншыя - меньш яскравыя, якія не патрапілі ў СМІ.
У аўторак 7 чэрвеня ў першай палове дня невядомы пралез праз незачыненае вакно веранды прыватнага дома і скраў адтуль ноўтбук, які быў ацэнены ў 3 мільёны рублёў.
У той жа дзень у міліцыю паступіла паведамленне пра крадзёж з прыватнай лазні. У перыяд з 5-га па 7-е чысло невядомы адціснуў ПВХ дзверы, залез у лазню ў двары прыватнага дома і скраў трымер ды бензапілу, якую гаспадар трымаў там. На наступны дзень была заведзена крымінальная справа, сума стратаў - 7,5 мільёнаў рублёў.
9-га чысла невядомы зламаў замок на прыватным сараі і разжыўся зварачным апаратам, зварачнай маскай і балгаркай. Страты ацэнены ў 2 мільёны рублёў.
Адзінае злачынства пра якое паведамляе зводка ў суседніх раёнах адбылася ў Лёзненскім. Невядомы сарваў замок з дачнага доміка ў вёсцы Бабінавічы і скраў лічбавы фотаапарат пакінуты там гаспадаром.
