Цягнік №96 Брэст-Масква, які выехаў з Брэста 21-а чэрвеня стаў месцам здзяйснення, як мінімум, двух злачынстваў. Калі некаторыя пасажыры вагона са шчаслівым нумарам 3 пачалі рыхтавацца да выхаду ў Мінску (пасля 4 гадзін раніцы), жанчына якая ехала на месцы з нешчаслівым нумарам 13 заўважыла, што ўнік яе гаманец з грашыма. Наколькі гэта было магчыма, жанчына з сяброўкамі агледзела ўсе месцы ў вагоне дзе магла б знайсціся прапажа, пасля доўгіх пошукаў стала зразумела - гаманец скралі. На станцыі Мінск-Пасажырскі, па выкліку начальніка цягніка, да вагона падыйшлі супрацоўнікі міліцыі, якія ўсіх хто выходзіў у сталіцы адвялі для дачы тлумачэнняў, а разам з цягніком да Оршы паехаў супрацоўнік аператыўна-слудчай групы.

Пакуль міліцыя высвятляла абставіны справы большасць пасажыраў нешчаслівага вагона са шчаслівым нумарам 3 спалі і, нават, не ведалі пра здарэнне. Але на наступнай буйной станцыі - Орша-цэнтральная дзе таксама з'явіліся пасажыры на выхад сітуацыя паўтарылася. Жанчына якая пачала збіраць рэчы, каб выйсці ў нашым горадзе заўважыла знікненне гаманца.

Не выключана што ў тую ж ноч у вагоне маглі здарыцца і іншыя крадзяжы, якія не былі заўважаны на тэрыторыі Беларусі, з-за ранняга часу - не ўсе пасажыры прачнуліся, каб выявіць свае прапажы.