На відавочную рызыку пайшоў 55-гадовы жыхар Оршы, які збіраў дакументы для праходжання чарговага тэхагляду "Фольксвагена". У машыны ўсё было ў парадку, а вось у самога кіроўцы - відавочныя праблемы. Тэрмін дзеяння медычнага агляду заканчваўся. І тады прадпрымальны аршанец вырашыў трохі схітраваць, піша "СБ". Балазе, лічба «1» вельмі лёгка змяняецца на «4».
Падрабязнасці распавядае памочнік пракурора Аршанскага раёна Максім Васільеў:
- На судзе абвінавачаны ў падробцы дакументаў распавядаў, што вельмі спяшаўся, і часу на праходжанне медычнай камісіі ў яго не было. Вырашыў паступіць проста і хутка: змяніўшы ў двух месцах лічбы, аўтаматычна працягнуў тэрмін дзеяння дакумента на 3 месяцы. А праз некаторы час да яго прыйшлі супрацоўнікі міліцыі, якім даведка падалася падазронай.
У дачыненні да аўтаўладальніка распачалі крымінальную справу, а падробка даведкі абышлася для бюджэту яго сям'і ў круглую суму - ў якасці штрафу трэба выплаціць 40 базавых велічынь.
