Орша, Грамадства

Для аршанскіх фанатаў

09.01.2014 22:24

4236 праглядаў, 3 каментара

У Оршы адкрыўся спартыўны бар "Ліга".

Размешчаны ён у гандлёвым цэнтры "Сузор'е" у раёне рамзавода. Ідэя стварэння бара належыць маладым спецыялістам гандлёва -прамысловага прадпрыемства. Сучасны аб'ект грамадскага харчавання ўражвае сваім спартовым інтэр'ерам і нагадвае фан - клуб з разнастайнай атрыбутыкай : фатаграфіямі вядомых спартсменаў , майкамі, шалікамі, сцягамі. У дзвюх залах спартыўнага бара могуць размясціцца 50 заўзятараў. У кожным устаноўлены вялікія плазменныя тэлевізары, па якіх у рэжыме on - line можна паглядзець любы футбольны матч або хакейную гульню. Тут таксама можна смачна і па прымальным цэнах паабедаць або зрабіць заяўку на правядзенне ўрачыстых мерапрыемстваў. Незвычайнае і прывабнае па сваіх назвах меню , у якім выкарыстаная спартыўная лексіка. Напрыкла , салаты "Дубль-ве" , "Штучны афсайд" , "Коуч " , "Рускі футбол" , гарачыя стравы рыба "Вялікі блайнд", свініна па - ціраспальскім, "дрыблінг", "Овербет" , "Двайны гатшот" . Спартыўны бар "Ліга" па буднях і ў нядзелю працуе да 24 гадзін, а ў пятніцу і суботу - да 2 ночы.