Першымі зарэгістраванымі групамі сталі групы кандыдатаў Канстанціна Анташкевіча і Аляксандра Шутава - яны першымі падалі заяўкі на рэгістрацыю. Але, не зважаючы на рэгістрацыю, збіраць подпісы гэтыя групы не пачнуць раней за 12 студзеня, як вызначана законам. Шэраг іншых групаў, якія падалі заяўкі пазней, распачнуць збор подпісаў пазней за 12-е, бо на рэгістрацыю патрабуецца пяць дзён.
Акрамя Шутава і Анташкевіча заяўкі ўжо паспелі падаць і шэраг іншых вядомых у рэгіёне людзей. Ігар Грышанаў, старэйшына вёскі Стаўры падаў дзве заяўкі - адну на стварэнне ініцыятыўнай групы для ўдзелу ў выбарах у Бабінічскій сельскі савет, другую для ўдзелу ў выбарах у раённы савет па Крапівенскай акрузе.
Ігар Казмерчак, рэдактар сайту http://orsha.eu падаў заяўку для збора подпісаў па Шклоўскай акрузе № 23 па выбарах дэпутатаў у раённы савет.
Група Уладзіміра Палівады, сябра партыі "Справядлівы свет", будзе работаць у Барані каб вылучыць кандыдата як у Бараньскі гарадскі савет, так і ў Аршанскі раённы па акрузе №29 Беспартыйная Жанна Франкова будзе вылучацца ў Задроўеўскі сельскі савет.
Некалькі сябраў "Справядлівага свету" падалі заяўкі і ў Талачынскім раёне. Так, сёння свае заяўкі ў камісію перадалі Сяргей Вазьняк рэдактар газеты "Таварыш" і Пётар Кавалёў. Таксама ў выбарах у Талачынскі раённы савет будзе ўдзельнічаць адзін з лепшых настаўнікаў матэматыкі ў рэгіёне Леанід Цімашкоў.
