Днём 16-га чысла каля 12-30 да аднаго з дамоў у раёне Рэмзавода на вялікай хуткасці і з уключанымі мігалкамі ды серэнамі амаль разам прыехалі некалькі пажарных машын (відавочцы ў сацыяльных сетках паведамляюць пра 5 машын), машына газавай службы, хуткай дапамогі, міліцыі і аўтамабіль электрасетак. Нечаканае з'яўленне столькіх аўтамабіляў экстраных службаў выклікала шмат пытанняў, бо жыхары таго дома не бачылі ні адкрытага вагня, ні дыма. Больш за тое, суседзі пачалі высвятляць што ж адбылося праз сацыяльныя сеткі. Зводка МНС паведамляе, што ў адным з пад'ездаў дзевяціпавярховага дома загарэлася электраправодка ў пад'ездзе. У выніку, з другога па 9-ы паверхі пашкоджаны электрашчытавыя, электраправодка, задымлены сцены. Прычына пажару высвятляецца.
Сёняшняй ноччу - з 17 на 18 - зводка паведамляе і яшчэ пра адзін пажар у Аршанскім раёне - у Копысі а 00-53 згарэў сарай.
