Орша, Грамадства

Дыхаеце глыбока

13.01.2014 09:10

2354 прагляду, 0 каментароў

Стан паветра ў Оршы ў 2013 годзе ацэньваўся як стабільна добрае.

Пра гэта паведамілі ў Рэспубліканскім цэнтры радыяцыйнага кантролю і маніторынгу навакольнага асяроддзя, які праводзіць маніторынг атмасфернага паветра ў 20 прамысловых гарадах Беларусі , у тым ліку і ў Оршы. Але ў сакавіку 2013 года ў Оршы , як і ў іншых гарадах і прамысловых цэнтрах рэспублікі быў зафіксаваны істотны рост ўзроўню забруджвання паветра прыземнага азону . Максімальныя сярэднясутачныя канцэнтрацыі перавышалі норму ў 1,5-2 разы. Як растлумачылі ў цэнтры , павелічэнне канцэнтрацый прыземнага азону , па ўсёй верагоднасці , было звязана з перабудовай атмасферы і , як следства , з прытокам азону са стратасферы . Таксама істотны рост канцэнтрацый аксідаў азоту быў адзначаны пасля праходжання па тэрыторыі Беларусі урагану "Хаў'ер" . Нягледзячы на ідэальныя ўмовы для рассейвання забруджвальных рэчываў у прыземным слоі паветра падчас ліквідацыі наступстваў урагану , коркі машын на аўтадарогах спрыялі інтэнсіўнаму выкіду выхлапных газаў.