Два паведамленні пра ўгнаны транспарт паступіла ў аршанскую міліцыю 25 ліпеня. Першае паведамленне прыйшло раніцай а 8-30, хаця сам аўтамабіль быў звезены зламыснікамі з месца паркоўкі прыблізна а 1 гадзіне ночы. Быў скрадзены аўтамабіль ВАЗ-2101 1980 года выпуска. Днём аўтамабіль быў знойдзены, а падазраваныя затрыманы.
Паведамленне пра крадзёж другога аўтамабіля паступіла на мілцэйскі пульт а 2-20 ночы, праз 20 хвілін пасля самога крадзяжа. У дадзеным выпадку быў скрадзены аўтамабіль ВАЗ-21061 1990 года выпуска. Пасля ўвядзення плана "Перахоп" аўтамабіль быў знойдзены, падазраваныя таксама затрыманыя.
