Раней, яшчэ да пачатку выбарчай кампаніі, ужо з'яўляліся чуткі, што ў парламенцкіх выбарах будзе ўдзельнічаць старшыня Дубровенскага райвыканкама. Па чутках, звязана гэта з магчымым аб'яднаннем Дубровенскага і Аршанскага раёнаў - парламент для многіх чыноўнікаў даўно стаў магчымасцю заставацца пры ўладзе, пры гэтым не маючы сур'ёзнай адказнасці. Высветлілася, што чуткі былі не безпастаўнымі - сапраўды, Анатоль Лукашоў вылучыўся кандыдатам на выбары, але не па Аршанскіх акругах, а па Сененскай №30.
Канкурэнтаў тут у яго не шмат - тры вылучэнцы ад партыяў. Ад Ліберальна-дэмакратычнай партыі вылучылася жыхарка Оршы Алена Дзям'яненка. Ад правацэнтрысцкай кааліцыі вылучыўся фермер з вёскі Забор'е Сененскага раёну Аляксандар Турок.
Партыя БНФ вылучыла па гэтай акрузе сябра руху "За свабоду", дырэктара прадпрыемства "Перадавы бухулік", уражэнца Дубровенскага раёну, а цяпер жыхара Віцебска Аляксея Гаўруцікава.
Такім чынам, чуткі пра тое што кіраўнік Дубровеньшчыны ідзе на выбары падцвердзіліся, ці падцвердзіцца другая частка чуткі пра аб'яднанне раёнаў пакуль - пытанне.