Орша, Грамадства

5 базавых за абразу

25.08.2016 09:12

4049 праглядаў, 27 каментароў

Ігару Грышанаву прысудзілі штраф у 5 базавых адзінак за абразу старшыні сельвыканкама

Паводле судовых матэр'ялаў, канфлікт паміж бакамі распачаўся 22 ліпеня. Калі старшыня Бабінічскага сельвыканкама Марына Матвеева прыехала ў вёску Стаўры разам з двума сваімі падначаленымі. Далей паказанні бакоў розняцца. Грышанаў сцвярджае, што Матвеева ўручыла яму адказ на папярэдні зварот і пасля гэтага разам з адным з работнікаў пачала абражаць, работнік жа пры гэтым, пагражаў яму фізічнай расправай. Матвеева сцвярджае, што абражаць і пагражаць ёй стаў Грышанаў. Пры гэтым, падцвердзіць ці абвергнуць факт абразаў маглі толькі заангажаваныя ў працэс Грышанаў, Матвеева і адзін сведка, які па рабоце з'яўляецца падначаленым Матвеевай. Адвакат Грышанава палічыў, што на гэтых спрэчных сведчаннях факт абразы не можа быць даказаны, але суддзя Іна Кохава ўсё ж вынесла пастанову: штраф Ігару Грышанаву ў 5 базавых велічыняў.