Беларусь, Культура

Оршу закране Японская восень

14.09.2016 17:10

3591 прагляд, 2 каментара

Фестываль японскай культуры наведае і Оршу

Японская восень у Беларусі - фестываль, які стартуе сёння 14 верасня ў Маладзечна канцэртам традыцыйнай музыкі гэтай усходняй краіны. Але ні Маладзечнам, ні Мінскам - у Мінску фестываль стартуе 15 верасня - мерапрыемствы фэсту не абмяжуюцца. Агенцыя БелТА са спасылкай на арганізатараў "Восені" паведамляе, што розныя мерапрыемствы прысвечаныя розным бакам традыцыйнай культуры Японіі пройдуць у Слоніме, Брэсце і Оршы з верасня па лістапад. У праграме фестывалю як музычныя выступы, так і майстар-класы па арыгамі, айкідо, выяўленчаму мастацтву. У Оршы ў рамках фестываля пройдзе выстава "Традыцыі і культура Японіі", якая пройдзе ў музеі Караткевіча з 8 па 30-е лістапада.