Прафсаюз работнікаў Радыёэлектроннай прамысловасці быў створаны ў часы "Перабудовы" і хутка стаў адным з самых буйных у краіне - у лепшыя часы ў яго ўваходзілі больш за 200.000 чалавек. Не мала паспрыяла папулярнасці прафсаюза тое, што арганізацыя пайшла па не стандартнай для таго часу дарозе - не вітала на свіх пасадах пенсіянераў-камуністаў, для якіх - па савецкай завядзёнцы - пераход на працу ў прафарганізацыі быў, па-сутнасці, выхадам на заслужаны адпачынак з малой адказнасцю, затое вялікімі магчымасцямі. Менавіта каб быць адрознымі ад іншых, на пасаду старшыні ў свой час быў прапанаваны 32-гадовы Генадзь Фядыніч - самы малады прафсаюзны лідар таго часу.
З прыходам да ўлады Лукашэнкі, ствараемая "вертыкаль" паспрабавала ўзяць пад кантроль і прафсаюзы. Распачолася доўгае змаганне за выжыванне - РЭП не пагдзіўся стаць "культурна-масавай арганізацыяй пры адміністрацыі Прэзідэнта" (цытата Фядыніча) і яго структуры сталі ліквідавацца кіраўніцтвам прадпрыемстваў. У замен на ліквідацыю прафсаюзу, дырэктарам абяццалі дзяржаўныя замовы, што праўда, так і заставалася абяццаннямі. РЭП агрызаўся - за адзін год арганізацыя дамаглася зняцця 12 дырэктароў буйных прадпрыемстваў. Але ніхто не здаваўся. У 2002 годзе ў прафсаюзе засталося крыху больш за 40.000 чалавек і да яго ліквідацыі - па меркаванні не здаўшыхся - далучылася сама Федэрацыя прафсаюзаў. Канфлікт з ФПБ быў звязаны з тым, што напярэдадні візіту прадстаўніцтва Міжнароднай арганізацыі працы, кіраўніцтва РЭП не далучылася да тых хваласпеваў уладзе, якія рыхтавалі чыноўнікі федэрацыі, а рыхтавалі паўнавартасны даклад пра праблемы з правамі рабочых у краіне.
Выхад з федэрацыі развязаў рукі прафсаюзу - яны перасталі быць вузкагаліновай арганізацыяй, пераназваўшыся ў "Беларускі прафсаюз работнікаў радыёэлектроннай прамысловасці, аўтамабілебудавання, металаперапрацоўкі, іншых галінаў народнай гаспадаркі". Цяпер структуры гэтага прафсаюзу могуць стварацца не толькі па галіновым прынцыпе, але і па тэрытарыяльным. З іншага боку, выхад з федэрацыі даў падставы да яшчэ большага ціску на РЭП з боку ўладаў.
З 2008 года РЭП прыйшоў і ў Оршу, у нашым горадзе стварылася "прафсаюзная група", у якую да сёняшняга дня ўваходзіла 14 чалавек (для стварэння арганізацыі трэба, як мінімум, 15 чалавек). Менавіта з мэтай стварэння парфсаюзнай арганізацыі ў Оршу 5 лістапада прыехаў кіраўнік РЭПа Генадзь Фядыніч. На сход сёняшніх сяброў прафсаюза і тых хто гатовы ў яго ўступіць сабралося не мала людзей. За адно паседжанне "прафсаюзная група" вырасла з 14 да 35 чалавек. Цяпер можна чакаць, што арганізацыя распачне паўнавартасную работу ў рэгіёне.
