Нагадаем. што музей імя К.С. Заслонава знаходзіўся ў будынку, пабудаваным да рэвалюцыі. У тыя часы ў доме пражываў мясцовы святар з сям'ёй. Пасля вайны ў дом па вуліцы Молакава засяліўся першы пасляваенны музей - музей Заслонава. Некалькі год таму ўжо паведамлялася, што памяшканне ў кепскім стане і патрабуецца яго рамонт. Да рамонта справы так і не дайшлі. Прайшоўшы летам над Оршай ураган сарваў з музея дах, а на аднаўленне і рамонт установы культуры грошай так і не знайшлося. У выніку, за некалькі дзён пасля ўрагану будынак музею быў разабраны цалкам.
І, вось, 6-га лістапада сайт "Народныя навіны Віцебска" паведаміў, што Аршанскі райвыканкам абвесціў тэндар на знос будынка. Паводле дакумантаў тэндэра рашэнне пра знос будынка было прынята 16 жніўня 2016-га, хаця ўжо 31-га ліпеня будынка ўжо не было. Знос павінен быць завершаны да 9 студзеня 2017 года, кошт работаў па зносу абазначаная ў тэндэры - 62.879 рублёў і 35 капеек.
