Жыхар Гомеля адбываў у Оршы турэмны тэрмін за падман аўтамабілістаў - ён купляў у іх машыны пад абяцанне аддаць грошы пазней. У выніку назбіралася цэлых 20 эпізодаў падобных махінацый. І гэта для 27-гадовага мужчыны была ўжо пятая судзімасць (!) Але цікава, што чалавек, які скончыў толькі 5 класаў школы, не застаўся без справы і за кратамі. Нават адтуль злачынца з дапамогай тэлефона і некалькіх сім-картак здолеў дамовіцца з прыяцелем, які за 50% выручкі дапамагаў яму. Вёўся пошук і дамовы з гаспадарамі машын, прыяцель сустракаўся з людзьмі, афармляў аўтамабілі і абяцаў аддаць грошы.
На дваіх злачынцы набылі "Аўдзі" за 5800 даляраў, а потым перапрадалі за 3300. Такім чынам былі перапрададзены тры аўтамабілі, пры гэтым самі ліхадзеі не плацілі нікому, толькі абяцалі. І тут пачаліся праблемы ва ўзаемадзеянні крымінальшчыкаў - за першую машыну ўсе грошы змоўшчык забраў сабе, за другую ўсе грошы, як паказаў, прайграў у гульнявых аўтаматах. А ў схеме з трэццяй машынай быў задзейнічаны і трэці прыяцель, які сказаў, што "згубіў грошы".
У выніку да свайго тэрміну гамельчук атрымаў яшчэ 4 гады зняволення, а ягоны змоўшчык 3 гады турмы.
