Паводле календарнага плану выбарчай кампаніі збор подпісаў будзе доўжыцца яшчэ да 10 лютага. Але прадстаўнікі Аршанскай кааліцыі АДС заяўляюць, што з серады спыняюць збор подпісаў, бо за ўсіх прэтэндэнтаў ужо сабрана больш чым патрэбна аўтографаў выбарцаў. Патрэбная колькасць для вылучэння кандыдатаў многімі ініцыятыўнымі групамі перабольшана ўжо ў два-тры разы.
Агулам за ўсіх дэмакратаў, якія плануюць вылучацца кандыдатамі ў дэпутаты мясцовых саветаў па рэгіёну сабрана больш за 3.000 подпісаў. Нагадаем, што за вылучэнне кандыдатам у райсавет патрабуецца 75 подпісаў, аблсавет - 150 подпісаў, а сельскі савет - 20.
