З заявай пра страту гаманца на аршанскім вакзале звярнуўся жыхавр Магілёва, які ў Оршы быў праездам. У гаманцы, на момант страты, знаходзілася даволі прыстойная сума грошай - 1.200 даляраў, 500 еўра, 50 тысяч расейскіх рублёў і 300 рублёў беларускіх. Мужчына заўважыў знікненне грошай, літаральна, праз 10 хвілін і вярнуўся на мяркуемае месца страты, але сваёй рэчы ўжо не знайшоў.
Пры сёняшніх тэхналогіях, знайсці таго хто мог забраць гаманец на вакзале - не складае праблемаў. Так і атрымалася - дзякуючы камерам відэаназірання міліцыянты высветлілі, што гаманец знайшла 38-гадовая жыхарка адной з вёсак Аршанскага раёна. Было бачна, што жанчына, падняўшы гаманец, нават, не паспрабавала знайсці гаспадара, а адразу забрала сабе.
За такую прагу нажывы 21-га снежня на жанчыну заведзена крымінальная справа.
Паводле сайта УУС
