Сямейная пара пенсіянераў напісала заяву ў міліцыю 8-га студзеня. 77-гадовая пенсіянерка паведаміла, што з кватэры, у якой яны пражываюць разам з мужам, невядомыя скралі ўсе грошы, якія сям'я захоўвала ў пасцельнай бялізне ў шафе. Супрацоўнікі міліцыі апыталі суседзяў па пад'ездзе. Высветлілася, што за пару дзён да таго, як пенсіянеры выкрылі знікненне грошай з шафы, у доме былі заўважаныя дзве падазроныя жанчыны. Адна з магчымых зладзеек з Талачынскага раёна, а другая з Лёзненскага. Папярэдне ўсталявана, што якраз яны здзейснілі злачынства. Абедзьве жанчыны затрыманыя. Вядзецца следства па крымінальнай справе, артыкул 205, частка 3. Верагодна, жанчыны былі настолькі нахабнымі, што скралі грошы, калі абодва пенсіянеры былі дома, але па звычцы, якая нярэдка прасочваецца ў людзей састарэлага ўзросту, у іх кватэру былі незачыненыя дзверы.
УУС Віцебскага аблвыканкама яшчэ раз папярэджвае людзей, што хаваць грошы сярод пасцельнай ці сталовай бялізны неабачліва - злодзеі, як правіла, якраз з шафаў і пачынаюць пошук грошай. Таксама варта зачыняць дзверы сваіх кватэраў і дамоў, каб пазбегнуць пранікнення ў жытло пабочных асоб, якія пераследуюць крымінальныя мэты.
Між тым, стала вядома і пра яшчэ адзін крадзеж, пра яго 5 студзеня паведаміў пенсіянер з Дубровенскага раёна. Мужчына 1955 года нараджэння распавёў міліцыі, што стаў ахвярай злачынства яшчэ 16 снежня 2016 года. Тады ў яго гасцявала наглядна знаёмая жанчына таксама 1955 года нараджэння. Яна і пераклала ў сваю кішэнь чужыя 45 рублёў. Вядзецца следства па артыкуле 2015 частцы 1 Крымінальнага кодэксу Рэспублікі Беларусь.
