Рэгіён, Здарэнні

"Рэкс" раскрыў справу

22.01.2017 18:10

3019 праглядаў, 3 каментара

Службовы сабака прывёў аператыўнікаў да злодзея.

У Дуброўне 61-гадовы мужчына паведаміў міліцыі, што нехта скраў з яго незачыненай адрыны 290 кг зерня. Куды ж падзелася пшаніца, ды яшчэ ў такой колькасці? Адказ на пытанне даў службовы сабака. Менавіта ён адшукаў сляды злачынцы. Ім аказаўся 22-гадовы жыхар Дуброўны, які жыве літаральна праз дом ад таго месца, дзе здзейсніў крадзеж. Больш за тое - з абкрадзеным мужчынам злодзей даўно знаёмы і нават сябруе з ягоным сынам. Мяхі з пшаніцай злодзей перавозіў уначы на санках, за некалькі паездак усё зерне "пераехала" ў адрыну маладога чалавека. Усё зерне канфісавана, а на злодзея раённы аддзел Следчага камітэту завёў крымінальную справу па частцы 1 артыкула 205 Крымінальнага кодэксу Рэспублікі Беларусь.