Орша, Грамадства

"Бальніцу дабудаваць!"

28.01.2017 11:21

5248 праглядаў, 73 каментара

Галава Віцебскай вобласці Мікалай Шарснёў загадаў дабудаваць да канца 2017 новы корпус бальніцы ім.Сямашкі ў Оршы.

Старшыня Віцебскага абласнога выканаўчага камітэта Мікалай Шарснёў правёў у Віцебску кадравы дзень. У прыватнасці, быў працягнуты кантракт дырэктару аршанскага будаўнічага трэсту № 18 Дзмітрыю Міхалевічу. Але простым падаўжэннем кантракту справа не абмежавалася - было сур'ёзна ўзнята пытанне пра будаўніцтва тэрапеўтычнага корпуса бальніцы імя Сямашкі ў Оршы. Гмах даўно стаіць на беразе Аршыцы цераз рэчку ад Базылянскага кляштара, аднак ужо шмат гадоў корпус ніяк не могуць дабудаваць. Пытанне будаўніцтва бальніцы ў ліку іншых праблемаў з медыцынай на Аршаншчыне даўно хвалюе жыхароў нашага рэгіёну. Цяпер варта спадзявацца на прарыў - пра лёс бальніцы нарэшце было сказана на высокім узроўні - Мікалай Шарснёў загадаў да канца 2017 года дабудаваць бальніцу і здаць тэрапеўтычны корпус у эксплуатацыю.