Аршанскі ільнокамбінат пашырае геаграфію сваіх паставак, летась упершыню былі арганізаваныя прамыя пастаўкі прадукцыі ў Кітай, а таксама першыя партыі тканіны з Оршы адправіліся ў Туніс, Новую Зеландыю, Марока і Паўднёвую Афрыку. Усяго пастаўкі адбываюцца ў 36 краінаў свету. Намеснік генеральнага дырэктара Аршанскага ільнокамбіната па камерцыйных пытаннях Дзмітрый Мураўёў у размове з БЕЛТА паведаміў:
Мы падпісалі буйны кантракт з індыйскай тэкстыльнай кампаніяй, якая займаецца аптовымі пастаўкамі і рознічнага гандлем. У іх у наменклатуры тканіны практычна з усяго свету. Перамовы былі доўгімі, мы ўлічылі ўсе патрабаванні партнёраў. Дасягнута дамоўленасць аб тым, што індыйская кампанія набудзе ў нас прадукцыю на $ 1 млн. Зараз працуем над рэалізацыяй вызначанага. На ільнокамбінаце ўжо пабывалі прадстаўнікі замежнай кампаніі, сфарміравана пробная партыя, і ў бліжэйшы час груз на $ 59 тыс. будзе адпраўлены ў Паўднёвую Азію. Да гэтага прадукцыя льнокамбіната ў Індыю ніколі не пастаўлялася.
