Зводка абласнога УУС кожны дзень ад пачатку тыдня паведамляла пра крадзяжы ў суседніх з Аршанскім раёнах Віцебскай вобласці. Зводка за 6-е лютага паведамляе пра крадзёж у Лёзна. Невядомыя скралі 160 літраў дызельнага паліва і 20 літраў аўтамабільнай алівы, агулам на 508 рублёў. Следства высветліла, што злачынства ўчынілі раней судзімыя за крадзяжы двое мужчынаў з Оршы.

Зводка за аўторак 7 лютага паведамляе пра крадзёж у Сененскім раёне, які адбыўся ў перыяд з 27-га студзеня па 1 лютага. Вечарам 1-га чысла ў міліцыю звярнулася пенсіянерка, якая заўважыла, што нехта пашкодзіў навясны замок на дзвярах дачнага дома і скраўз слесарныя інструманты на 150 рублёў. Крадзёж учыніў 58 гадовы мужчына без вызначанага роду заняткаў.

А зводка за 8 лютага паведамляе пра крадзяжы ў Дубровеснкім і Талачынскім раёнах. У Дубровенскім раёне пенсіянерка звярнулася з заявай, што ў яе з дома скралі 300 рублёў. Крадзёж адбыўся ў перыяд з 6-га па 8-е лютага, злачынца пакуль не выяўлены.

А ў Талачынскім раёне ў перыяд з 2 па 19-е студзеня невядомы сарваў навясны замок і з прыватнага дому скраў 32 метры электракабелю на 30 рублёў. Гаспадыня кабелю толькі 7-га лютага звярнулася ў міліцыю, злачынца быў хутка знойдзены - ім аказаўся рабочы, мясцовы жыхар 1975 года нараджэння.

Хаця зводка паведаміла пра крадзяжы ў кожным з раёнаў, не абыйшлося без здарэнняў і ў самім Аршанскім раёне, хаця ў зводкі міліцыі яны і не патраплялі.