Улічваючы тое, што ў гэтай выбарчай кампаніі праграмы кандыдатаў не будуць публікавацца ў мясцовай выканкамаўскай прэсе, прапануем усім ахвотным кандыдатам скарыстацца для публікацыі нашым сайтам.
Сайт orsha.eu цалкам бясплатна гатовы апублікаваць фотаздымак кандыдата, зварот да выбарцаў, біяграфію і праграму адным артыкулам. Прапанова тычыцца кандыдатаў у дэпутаты сельсаветаў, райсаветаў і Віцебскага аблсавету, якія балатуюцца па Аршанскім, Талачынскім ці Дубровенскім раёнах.
Для публікацыі патрэбна даслаць на электронны адрас сайту [email protected] фотаздымак гарызантальнага фармату, інфармацыю па якой акрузе ці акругах кандыдат вылучаецца, а таксама ў свабоднай форме зварот да выбарцаў, біяграфію, праграму, або адзін ці два з апошніх пунктаў. Звяртаем вашу ўвагу, што сайт працуе на абедзьвух дзяржаўных мовах, у сувязі з чым просім вас самастойна прадубляваць падаваемую інфармацыю на абедзве мовы.
Інфармацыя для публікацыі прымаецца да 21 сакавіка ўключна.
