Рэгіён, Здарэнні

Фронт прайшоў амаль міма

22.06.2017 12:41

2968 праглядаў, 0 каментароў

Суседнія раёны пацярпелі ад непагадзі

Днём 20-га чысла на тэлефоны жыхароў вобласці ад міністэрства па надзвычайных сітуацыяў былі разасланыя смс-папярэджанні пра набліжаючыся моцны вецер. У папярэджанні гаварылася, што з-за ветру магчымыя падзенні дрэваў і старых канструкцыяў. Хаця надвор'е сапраўды сапсавалася, але навальнічны фронт прайшоў, у асноўным, міма Аршанскага раёна, узяўшы значна паўночней. Таму найбольш па вобласці пацярпеў Віцебскі раён - тут не абыйшлося без паваленых дрэваў, разбітых дрэвамі аўтамабіляў і дахаў дамоў. МНС паведамляе, што ўвогуле па вобласці пацярпела 152 населеных пункты, было адключана 35 лініяў электраперадачаў, пашкоджана 23 фермы. Хаця наш раён быў амаль не закрануты ураганам, суседнія раёны пацярпелі. Атрымалі не вялікія пашкоджанні фермы ў Лёзненскім, Талачынскім і Сененскім раёне.