Транспартная міліцыя падала статыстыку крадзяжоў у цягніках і падзялілася падрабязнасцямі з газетай АиФ. У прыватнасці, за апошнія 5 гадоў колькасць злачынстваў у цягніках скарацілася. У 2012 годзе было зафіксавана 277 выпадкаў, у 2016 — 236. Колькасць крадзяжоў ад агульнай лічбы злачынстваў у цягніках складае 74,6%.
Электрычка Менск - Орша адна з самых небяспечных у плане крадзяжоў, у ёй нярэдка "працуюць" злодзеі. Таксама небяспечнымі ў транспартнай міліцыі лічацца электрацыі, што кіруюцца з Менска ў Асіповічы, Маладзечна і Баранавічы. А таксама пасажырскія цягнікі Гомель - Гародня і Берасце - Віцебск, апошні, дарэчы, ідзе праз Оршу.
Згодна са статыстыкай міліцыі на транспарце, большасць крадзяжоў здзяйсняюцца ў суботу-нядзелю і ў перыяд з 0:00 да 8:00. Напрыклад, такі крадзеж меў месца ў чэрвені 2016. Крадуць планшэты, ноўтбукі, мабільныя тэлефоны, грошы і часам абутак. Часцей за ўсё ахвярамі становяцца людзі, якія спяць альбо распіваюць спіртныя напоі з незнаёмымі спадарожнікамі.
