Зараз разглядам пытання пра стварэнне асаблівай эканамічнай зоны займаецца асобная рабочая група пад кіраўніцтвам намесніка прэм'ер-міністра Анатоля Калініна. Гэтая група прааналізавала пытанні рэалізацыі праэкта па будаўніцтву прамыслова-лагістычнага комплекса ў Балбасава, і цяпер ёй дадзены месяц (да 15-га жніўня), за які група павінна выпрацаваць падыходы да далейшага вядзення будаўніцтва. А таксама вызначыць мэтазгоднасць стварэння асаблівай эканамічнай зоны. Калі ж мэтазгоднасць будзе падцверджана, то да 1-га кастрычніка група мусіць вылучыць прапановы па нарматыўных прававых актах, якія будуць тычыцца пытання.
Улічваючы тое, што пра магчымае стварэнне эканамічнай зоны паведаміла прэс-служба ўраду краіны, то, бачна, верагоднасць стварэння такой зоны даволі вялікая, не зважаючы на вынікі аналізу рабочай групы.
