У 6-м туры фінальнага этапу чэмпіянату Віцебскай вобласці ФК "Сянно" нанёс пераканаўчую паразу "Глыбокаму" з лікам 5:0. Дубль у сенненцаў аформіў Клопаў, яшчэ па голе за жоўта-зялёных правялі Цевелеў, Кулік і Талсташоў.
Аднак падняцца ў табліцы на лідэрскую пазіцыю пасля хатняй паразы ў мінулым туры не так і проста. "Лепель" асечкі не дапусціў і дома разграміў "Прамень" з Гарадка 4:1. "Газавае" дэрбі ў Віцебску паміж "Газавіком" і "Полацкгазам" скончылася на карысць апошніх 2:1. Яшчэ ў адным матчы "Шуміліна" на сваім полі саступіла "Паставам" 1:2.
Да канца чэмпіянату застаюцца два туры, а вось "Полацкгаз" мае гульню ў запасе і магчымасць выбрацца на першае месца. У "Сянна" ж не застаецца іншых варыянтаў заваяваць золата, як толькі перамагаць у двух апошніх паядынках і спадзявацца на паразы канкурэнтаў.
