Орша, Грамадства

Праезд падаражэў

25.10.2017 11:23

5261 прагляд, 3 каментара

У Оршы падаражэў праезд у грамадскім транспарце.

Павышэнне аплаты за праезд у грамадскім транспарце адбудзецца практычна па ўсёй краіне. Цяпер за праезд у аўтобусах трэба плаціць 50 капеек замест 45 як раней, а праезд у маршрутных таксі цяпер будзе каштаваць 55-60 капеек. Праязны квіток на аўтобус цяпер каштуе 21,9 руб. Рашэнне прынятае Віцебскім аблвыканкамам. Папярэднія кошты на праезд не пратрымаліся году, павышэнне аплаты было ў снежні 2016-га. Таксама варта адзначыць і пэўны парадокс сітуацыі — Віцебская вобласць з'яўляецца самым праблемным рэгіёнам Беларусі, тут невысокія заробкі і шмат гадоў назіраюцца праблемы з працаўладкаваннем людзей, аднак менавіта Віцебшчына стала першым рэгіёнам пасля Менска і Менскай вобласці, у якой павысілася плата за праезд.