Орша, Здарэнні

Зноў невядомая пад коламі (фота)

30.10.2017 17:21

5348 праглядаў, 8 каментароў

Яшчэ адна невядомая жанчына патрапіла пад колы аўтамабіля ў Оршы

Толькі ўчора вечарам мы пісалі, што каля Оршы была збіта жанчына асобу якой некаторы час супрацоўнікам міліцыі не ўдавалася высветліць. Як аказалася, жанчына была пенсіянеркай. А ўжо сёння яшчэ адно падобнае здарэнне. Другая аварыя адбылася на наступны ж дзень 30 кастрычніка каля 8 гадзін раніцы. Пажылая жанчына - на выгляд крыху больш за 60 год - пераходзіла дарогу па вуліцы Леніна на неругулюемым пешаходным пераходзе размешчаным паміж Лядовай арэнай і Беларусбанкам. На пераходзе яе і збіў легкавы аўтамабіль. Жанчына атрымала значныя траўмы і для дапамогі ёй спатрэбілася выклікаць хуткую дапамогу. Наколькі нам стала вядома, у жанчыны дыягнаставана чэрапна-мазгавая траўма і траўмы ног. Пры ёй не было аніякіх дакумантаў, а па стане на 17 гадзін пацярпелая так і не прыйшла ў прытомнасць. Адпаведна, яе асобу таксама пакуль высветліць не ўдалося. Фотаздымкі з месца аварыі: