Нагадаем, што некаторы час таму райвыканкам праводзіў грамадскае абмеркаванне генеральнага плану развіцця Оршы і Барані. Актыўныя жыхары Оршы і Барані даслалі шэраг прапановаў па карэкціроўцы плану. Нядаўна адбылося паседжанне адмысловай камісіі, якая разгледзела паступіўшыя прапановы.
Шэраг прапанаваных жыхарамі варыянтаў аддадзены на водкуп райвыканкаму, які павінен будзе прыняць па іх рашэнні ў той час калі справа дойдзе непасрэдна да гэтых вучасткаў. Напрыклад, гэта тычыцца будаўніцтва дарогі па лініі Сельгастэхніка-Дачная-Татарск-Барань і дарогі якая павінна будзе злучыць Андрэеўшчыну і Гразілаўку.
Што тычыцца будаўніцтва на берагах ракі Адроўка паміж Баранню і Оршай новага жылога мікрараёна, які кааліцыя дэмакратычных арганізацый прапаноўвала не будаваць, то гэтая прапанова задаволена часткова: не будуць будавацца кварталы, якія падыходзяць непасрэдна да берагоў ракі. А тэрыторыя, якая пры гэтым застаецца не закранутай, пашырыць агульную зону рэкрэацыі ў дадзеным раёне.
Што тычыцца вайскова-спартовай пляцоўцы ў лесе на Заходняй, якая павінна выглядаць як танкавы палігон, то пытанне яго пераносу ці адмены будаўніцтва, будзе таксама разгледжана выканкамам калі пачнуцца непасрэдныя перамовы з інвестарам. Прапанова рэканструкцыі часткі каналізацыйнай сістэмы Барані, якая праходзіць па беразе ракі Адроў накіравана ў інстытут горадабудаўніцтва (менавіта яны распрацоўвалі ген.план) і будзе разгледжаны дадаткова.
Таксама асобна будуць разгледжаны прапановы дасланыя Бараньскім гарвыканкамам. Такім чынам, са значных зменаў, якія ўнесены ў генплан гэта захаванне ад жылой забудовы берага Адроўкі, астатнія прапановы, у прынцыпе, нельга сказаць, каб адрынутыя, проста, пытанне пра іх будзе вырашацца ў той момант калі дойдзе да іх справа. А гэта будзе залежыць ад абставінаў і наяўнасці сродкаў. Папярэдні ген.план таксама быў выкананы далёка не на 100%.
