Орша, Здарэнні

Чатыры машыны ў аварыі

19.11.2017 07:47

4117 праглядаў, 4 каментара

Аварыя адбылася на мосце праз Аршыцу

У рабочыя дні раніцай на вуліцы гарадоў выязжае вялікая колькасць аўтамабіляў - усе едуць на работу. Таму і аварыйная абстаноўка ў горадзе ў гэты час пагаршаецца. Асабліва шмат аварыяў звычайна адбываецца па вуліцы МІра ад чыгуначнага маста да цэнтра горада, хаця апошнім часам за статус найбольш аварыйнай можа паспрачацца вуліца Леніна. Чарговая аварыя адбылася ў чацьвер 16 лістапада на мосце праз Аршыцу. Калі звычайна ў аварыі патрапляюць адна-дзве машыны, то тут сутыкнуліся адразу чатыры. На даволі слізкай з раніцы дарозе, каля 8 раніцы па мосце рухалася вялікая група аўтамабіляў. Адзін з кіроўцаў затармазіў і тут жа адчуў удар другога аўтамабіля. Але на гэтым працэс не спяніўся - за першым ударам пайшло яшчэ два - адзін у аднаго ўдарыліся чатыры аўтамабілі. Аварыя справакавала вялікі транспартны затор, які расцягнуўся да раёну Чаромушкі.