Каляровыя пластыкавя скрыні з надпісамі "Стекло", "Пластик" з'явіліся на многіх аўтобусных прыпынках горада. Здавалася б, цудоўная экалагічная ініцыятыва паасобны збор смецця на аўтобусных прыпынках. Тым больш, што ў горадзе працягваюць заварваць смеццеправоды, а ў дварах дамоў сметніцаў з'явілася не на шмат больш. Праўда, аказалася, што, насамрэч, гэта аніякі не збор смецця. Новыя пластыкавя сметніцы пастаўлены зусім не для пластыка і шкла, а для захавання пяску для дворнікаў. Гэтым пяском камунальшчыкі будуць пасыпаць слізкія зімовыя сцяжынкі.
