Як паведамляе суполка абласнога ДАІ ў сацйыяльнай сетцы "Укантакце", аварыя пра якую ідзе гаворка адбылася 8 снежня каля вёскі Грышаны. Невядомы кіроўца на невядомай машыне збіў мужчыну жыхара Віцебска, які пераходзіў дарогу, ідучы да аўтобуснага прыпынку. З траўмамі рознай ступені цяжкасці віцебчанін быў дастаўлены ў бальніцу, а кіроўца з месца здарэння з'ехаў. Аўтаінспекцыя звяртаецца да ўсіх хто мог бачыць аварыю з просьбай распавесці пра здарэнне, пазваніўшы па тэлефонах (+375 29) 721-44-44, (+375 29) 621-44-44 або 102.
Дарэчы, дапамагчы могуць не толькі тыя хто бачыў аварыю. Па інфармацыі міліцыянтаў, у аўтамабіля павінны быць пашкоджанні левай пярэдняй фары і левага люстэрка. Калі вы ведаеце такі аўтамабіль, то таксама можаце пазваніць па вышэйназваных тэлефонах.
