ААТ "Аршанскі мясакансервавы камбінат" стаў пераможцам Прэміі "Народная марка Беларусі 2018" у намінацыі "Вытворца мяснога дзіцячага харчавання".
Аршанскі мясакансервавы камбінат вырабляе дзіцячае харчаванне пад двума гандлёвымі маркамі "Baby hit" (шкляная бутэлечка) і "ОМКК" (алюмініевая бляшанка). На фота ў складзе дэлегацыі на цырымоніі ўзнагароджання ўдзельнічалі злева направа начальнік цэха дзіцячага харчавання Кірылава Наталля Яўгенаўна, першы намеснік генеральнага дырэктара Таўстуха Аляксандр Валер'евіч, начальнік аддзела маркетынгу Якімава Крысціна Віктараўна, вядучы спецыяліст па ВЭС Шпакоўская Таццяна Аляксандраўна.
Выбар ажыццяўляўся шляхам запаўнення анкет, шырока прадстаўленых у СМІ і на афіцыйным сайце Прэміі narodnayamarka.by. Пытанні ў анкетах былі адкрытымі, без ўказанні тых ці іншых гандлёвых марак. У выніку на двух этапах галасавання было атрымана 5 602 анкеты, што ў пераліку на галасы, аддадзеныя за той ці іншы брэнд, склала 429 449 галасоў з усіх абласцей Беларусі.
Урачыста ўручалі ўзнагароды, піша сайт babyhit.by, члены Назіральнага савета Прэміі, а таксама кіраўніцтва Міністэрства антыманапольнага рэгулявання і гандлю Рэспублікі Беларусь, прадстаўнікі іншых міністэрстваў і ведамстваў, дэпутаты Палаты Прадстаўнікоў Нацыянальнага сходу, кіраўніцтва Беларускага таварыства абароны спажыўцоў, бізнес-супольнасцяў.
Тэлеверсію цырымоніі ўзнагароджання пераможцаў — канцэртнае шоу "Народная Марка" з удзелам папулярных беларускіх выканаўцаў і музычных калектываў — Валерыя Скаражонка, NAVIBAND, Atlantica, Дзяржаўнага ансамбля акадэмічнага танца Беларусі і іншых - можна будзе ўбачыць у эфіры тэлеканала АНТ у перыяд калядных і навагодніх святаў.
