Трагедыя здарылася ў Сенненскім раёне яшчэ 6-га снежня. Па інфармацыі АСВОДа, надвячоркам гэтага дня мужчына разам з прыяцелем накіраваўся на рыбалку ў раён вёскі Каралевічы. Адплыўшая ад берага лодка з гора-рыбаловамі пачала хутка запаўняцца вадой і неўзабаве пайшла на дно. Аднаму з мужчын удалося выплыць і дабрацца да берага, піша "Голас Сенненшчыны". Яго самастойныя спробы выратаваць сябра не далі выніку. Сенненскі РАУС праводзіць праверку па факце гібелі рыбака.
АСВОД папярэджвае аб неабходнасці выкананння правілаў бяспекі і мер засцярогі на вадзе. У прыватнасці, пры сабе рыбаловы павінны мець выратавальныя камізэлькі і ні ў якім разе не ўжываць алкагольныя напоі.
