Анатоль Сільчанка, можна сказаць, легендарная асоба ў аршанскай міліцыі. Таму і не дзіўна, што праважалі яго са службы не толькі цёплымі словамі, але і канцэртам зладжаным у яго гонар артыстамі гарадскога цэнтра культуры, паведамле сайт абласнога УУС. Сільчанка праслужыў у міліцыі 28 гадоў, з іх 9 гадоў быў начальнікам спачатку ГАУС, а пасля аб'яднання з раёнам узначаліў аб'яднаны РАУС. Неаднаразова ўзнагароджваўся за добрую службу.
Афіцыйна звальненне Сільчанка з пасады звязваюць з выхадам на ільготную міліцэйскую пенсію, праўда, на "заслужаным адпачынку" Анатоль Міхайлавіч адпачывааць не збіраецца. Ён ужо прызначаны дырэктарам гатэлю "Орша". У самой жа міліцыі пакуль новых прызначэнняў не адбылося - кіруе Аршанскім РАУС усё яшчэ часова выконваючы абавязкі.
