Учора мы паведамлялі пра пажар у вёсцы Крывое Талачынскага раёна на якім загінулі мужчына і жанчына. Як паведамляе сайт МНС, мужчына 1954 года нараджэння пражываў у доме разам са сваёй сужыцельніцай, якая і была гаспадыняй дома. Пасля яе смерці мужчына не перасяляўся, а так і застаўся жыць у вёсцы. За дзень да здарэння ён атрымаў пенсію і вырашыў адзначыць гэтую падзею. Хаця суседзямі мужчына характарызаваўся станоўча - алкаголікам не быў, але з харошага поваду купіў алкаголь і для кампаніі запрасіў у дом суседку. Пасля вечаровай пасядзелкі, жанчына сыйшла з дому, але раніцай вярнулася. Дарэчы, мужчына раніцай ужо быў выпіўшым - гэта падцвердзіў іншы сусед да якога той заходзіў за запалкам, каб закурыць. Хутчэй за ўсё, курэнне ў п'яным стане і стала прычынай пажару. Труп мужчыны знайшлі пад канструкцыямі дома, ён ляжаў на раскладушцы, а побач з яго ложкам была прапалена падлога і ляжаў недапалак. Труп жанчыны знайшлі ляжачым асобна на канапе.
