На гэтым тыдні, акрамя тых здарэнняў пра якія мы ўжо паведамлялі, зводка УУС паведаміла яшчэ пра шэраг больш дробных злачынстваў. Так, зводка паведмляе пра крадзёж мабільнага тэлефону "Прэстыжыё", які адбыўся яшчэ вечарам 23 лістапада.
А 9 снежня ў прадпрымальніцы прама на рабочым месцы непаўнагадовы скраў куртку. Навучэнец 2000 года нараджэння, які і здзейсніў крадзёж, быў выяўлены з дапамогай камераў відэа-назірання. Заведзена крымінальная справа.
У Сененскім раёне невядомы ці невядомыя абчысцілі адразу некалькі сараяў каля лецішчаў мясцовых жыхароў. Ва ўсіх выпадках на сараях былі сарваныя навясныя замкі. З сараяў знік лом каляровага металалому, 30 літраў ГЗМ і нейкае зараднае прыстасаванне - усё агулам ацэнена ў 413 рублёў.
Таксама сайт МУС паведамляе, што ў вёсцы Галоўск Сененскага раёна ў мужчыны былі знойдзены і канфіскаваны камбініраваная стрэльба ІЖ-56-1 і 21 патрон. У затрыманні ўдзельнічалі, у тым ліку, супрацоўнікі АМАП.
