Мужчына вырасціў кабанчыка і вырашыў забіць яго перад каляднымі святамі. На дапамогу паклікаў раней судзімага 54-гадовага суседа. Забойства і раздзелка свежаніны прайшло па звыклым сцэнары, а памочнік быў узнагароджаны грашыма і мясам. Але потым гаспадару свінні давялося з'ехаць у Оршу па тэрміновых справах.
Па вяртанні дамоў, мужчына пабачыў, што з лядоўні знікла свежае мяса, а з кладоўкі яшчэ і закаткі. Канешне, была выклікана міліцыя. Для службовага сабакі Хард, які служыць пры аршанскім дэпартаменце "Ахова", гэта было, магчыма, самае прыемнае заданне. Хард без праблемаў знайшоў, куды было знесена мяса - яго скраў той самы мужчына, які і біў кабанчыка. Зведзена крымінальная справа, падазраваны затрыманы.
Паводле інфармацыі сайту "Народныя навіны Віцебска".
