Аварыя адбылася 27 снежня каля сямі гадзін на 580-м кіламетры аўтадарогі Берасце-Менск-мяжа РФ. Вялікагрузны аўтамабіль DAF з паўпрычэпам збіў жанчыну 1982 года нараджэння. Аўтамабілем кіраваў 28-гадовы жыхар Магілёва. Ён растлумачыў інспектарам, што рухаўся па другой паласе праезнай часткі і жанчыну не бачыў. Спыніўся, таму што пачуў ўдар. Выйшаўшы з машыны і агледзеўшыся, кіроўца ўбачыў чалавека, які ляжаў на збочыне.
Мужчына хавацца не стаў і выклікаў хуткую і ДАІ. У выніку жанчына была дастаўлена ў рэанімацыю са шматлікімі пераломамі і цяжкімі траўмамі. Падрабязнасці таго, што адбылося, карэспандэнту БЕЛТА паведаміў начальнік аддзялення агітацыі і прапаганды ДАІ УУС Віцебскага аблвыканкама Аляксандр Казючыц.
Варта адзначыць, што ў лістападзе ў Аршанскім і Талачынскім раёнах адбыліся дзве аварыі з удзелам фуры. У абодвух выпадках гэта быў грузавы аўтамабіль як раз маркі «DAF». Абедзве аварыі былі з пацярпелымі, адзін чалавек загінуў.
