Трагедыя адбылася 12 верасня 2013 года. 30-гадовы мужчына на вачах у мінакоў зарэзаў сваю былую жонку каля будынку суда на вуліцы Савецкай. Яму вынесены жорсткі прысуд. Забойца накіраваны ў калонію ўзмоцненага рэжыму на 19 гадоў. Артыкул - наўмыснае забойства з асаблівай жорсткасцю.
Як высветліла следства, забойства адбылося з-за рэўнасці. Мужчына 1984 года нараджэння і жанчына 1994 года былі ў шлюбе толькі 9 месяцаў, пасля чаго яны разарвалі стасункі. Затым вырашылі памірыцца, але з-за рэўнасці пасварыліся. На целе жанчыны знойдзена 26 раненняў ад нажа. Забойца хацеў зарэзаць сам сябе, але яму гэта зрабіць не ўдалося. Раней ён ужо адбываў пакаранне за нанясенне цяжкіх цялесных пашкоджанняў.
