Здавалася б, яшчэ зусім нядаўна 20-я школа адчынілася ў новым аршанскім мікрараёне. А тым часам выраслі новыя раёны горада, а самой 20-й школе ўжо споўнілася 30 гадоў. Адмыслова на юбілей школы былі запрошаныя былыя яе кіраўнікі, настаўнікі, выпускнікі. За трыццацігоддзе існавання ў школы нямала поспехаў, гэта і перамогі ў алімпіядах, і разнастайныя конкурсы, а педагагічныя кадры школы не раз атрымоўвалі прызнанне як на настаўніцкіх форумах, так і ў павышэнні катэгорый. Адмыслова на 30-гадовы юбілей была напісана кніга "Штрыхі да гісторыі..." і падарылі яе школе. На сцэне падчас юбілею выступалі як цяперашнія вучні, якія займаюцца ў розных музычных калектывах, так і колішнія выпускнікі і настаўнікі.
Фотаздымкі з афіцыйнага сайту Гарадскога аддзелу адукацыі.
