За апошнія пару гадоў у Оршы адчынілася некалькі кавярняў, якія спецыялізуюцца менавіта на продажы кавы. Гэтыя кавярні не маюць сваёй кухні і асноўная іх прапанова - гэта кава ір спадарожныя тавары (слодычы, напоі). Гэта спецыфічны бізнэс, бо, як ні круці, а кава паўсюль аднолькавая, ды і апараты якія робяць каву, у прынцыпе, мала чым адрозніваюцца. Таму каб прыцягнуць кліентаў менавіта да сябе гэтыя кавярні прапануюць не столькі каву, колькі атмасферу ў сваіх установах ды розныя бясплатныя забавы. Напрыклад, у "Крама Кава" прапаноўвалі пагуляць у "Мафію", "Piri Piri" прыцягвала кліентаў якасаным вай-фаем ды паспрабавала зладзіць аматарскія канцэрты, "Обзор" прыцягвае відам з вакна на горад, а новенькая Smaile coffee трымае ў сябе настольныя гульні ды кнігі.
А якая кавярня з названых больш падабаецца вам? Адказаць можна на галоўнай старонцы нашага сайта, а таксама на старонках у нашых сацыяльных сетках.
