Аварыя якая адбылася на трасе Е95 каля паварота на Арэхаўск здарылася 18 студзеня каля 10-35. На працягу дня паступалі супрацьлеглыя звесткі пра здарэнне. Толькі вечарам ДАІ дало афіцыйную інфармацыі, але і афіцыйная інфармацыя розных арганізацыяў дае трохі адрозную інфармацыі. Так, ДАІ паведаміла, што ў мікрааўтобусе (кіроўца вёз сваю сям'ю і два чалавекі з Магілёве) і ў легкавым аўтамабіле (кіроўца жыхар Чашнікаў ехаў з сям'ёй) агулам было 9 чалавек з якіх пацярпелі 7. Сёння Следчы камітэт апублікаваў сваю інфармацыю пра здарэнне. Паводле яе ў мікрааўтобусе ехала 6 чалавек, а ў легкавіку 4 - агулам 10. З іх траўмы розных ступеняў атрымалі 9 чалавек. Па збегу абставінаў траўмаў не атрымаў толькі кіроўца мікрааўтобуса, які і рабіў менеўр абгона, які скончыўся аварыяй. Таксама следчы камітэт падцвердзіў, што непаўнагадовых у машынах не было. Наймаладзейшаму пацярпеламу 23 гады.
Следчы камітэт праводзіць сваю праверку па факту аварыі. Па папярэдняй інфармацыі, кіроўцы былі цвярозыя і прышпіленыя рамянямі бяспекі, у абодвух аўтамабіляў стаяла зімовая гума
