Шосты электрацягнік з пяццю вагонамі паступіў у Беларусь. яго вырабіла швейцарская фірма "Stadler Bussnang AG". Гэта апошні састаў, які мусіў прыбыць у нашу краіну паводле дамовы са швейцарцамі. Пасля прыёмачных і сертыфікацыйных працэдураў яго будуць выкарыстоўваць на самых напружаных маршрутах Беларусі, у прыватнасці і на лініі Менск-Орша. Пакуль на шляху ад нашага горада да сталіцы курсуюць чатырохвагонныя "Штадлеры".
У новых цягніках месцаў будзе больш - замест 216, як у 4-вагонных, будзе 302 месцы. Тры прыбіральні, у тым ліку прыбіральня для інвалідаў. Крэслы ў новых вагонах знаходзяцца адно за адным, а не насупраць. Цяпер не будзе праблем з транспартаваннем буйных рэчаў - для іх у новых цягніках прадугледжаны адмысловыя багажныя паліцы. Нумарацыя крэслаў бачная на светладыёдных табло. Будзе здзяйсняцца відэазапіс, а таксама ў новых цягніках прадугледжаны месцы для падключэння гандлёвых апаратаў для продажу тавару без прадаўца.
