Жудасная спроба забойства сёння раследуецца Круглянскім аддзелам Следчага камітэта. 55-гадовая жыхарка адной з вёсак раёну выпівала дома разам са сваім былым мужам з якім, праўда, усё яшчэ пражывала разам. Канешне, у разведзеных былі прэтэнзіі адзін да аднаго - іначай не развяліся б. І хаця былая сям'я ўсё яшчэ пражывала разам, ужыванне алкаголю справакавала сварку. А ўжо сварка давяла да экзекуцыі.
Развядзёнка абліла былога каханага бензінам і падпаліла яго. Мужчына 1952 года нараджэння застаўся жывым, але патрапіў у бальніцу з апёкамі твару і цела.
