Чым могуць быць карыснымі для жыхароў рэгіёнаў выбары дык гэта тым, што ў гэты час уплывовыя людзі могуць пачуць рэальныя праблемы людзей. Пра неардынарны выпадак на сваёй акрузе распавёў нам кандыдат у дэпутаты Мікалай Дзямідаў, які ў свой час пачуў пра гэта ад выбаршчыкаў на адной з сустрэчаў. Аказваецца, жахары часткі вуліцы Бялінскага абслугоўваюцца аўталаўкай. Мы прывыклі бачыць аўталаўкі ў невялікіх вёсках, але тут гаворка ідзе пра горад.
Крама па адрасе Бялінскага, дом 9 у свой час належала малочнаму камбінату. Пасля далучэння камбіната да сеткі "Оріс" крама прапрацавала не так доўга і ў снежні 2017 года была зачыненая. Цяпер на месца крамы прыязжае аўталаўка, каб забяспечыць мясцовых жыхароў харчамі.
Адразу ж пасля сустрэчы з выбаршчыкамі, якія распавялі пра гэтую сітуацыю, кандыдат у дэпутаты напісаў зварот у выканкам з просьбай паспрыяць выпраўленню сітуацыі. Свой ліст, які апісвае гэтую праблему ён суправадзіў словам: "Вот уж где действительно довели Оршу до руин и пепла".
