Пра напад на пенсіянера паведамляецца ў афіцыйнай зводцы абласнога УУС. Учора каля 17 гадзін на вуліцы Міра на пенсіянера 1951 года нараджэння напаў малады чалавек. З прымяненнем сілы ён вырваў з рук мужчыны 500.000 рублёў. Супрацоўнікі РАУС высветлена, што злачынства зрабіў не працуючы аршанец 1988 года нараджэння.
Другое рабаўніцтва адбылося па вуліцы Магілёўскай. Мужчына, які аказвае паслугі грузаперавозак, вярнуўся з рэйса і прывез з сабой даволі значны заробак. Праз нядоўгі час пасля таго як дальнабойшчык вярнуўся дамоў, да яго ў кватэру ўварваліся два чалавекі ў масках і, пагражаючы халоднай ды вогнепальнай зброяй, запатрабавалі аддаць ім прывезеныя грошы. Па гэтым здарэнні РАУС пакуль афіцыйнай інфармацыі не апублікаваў.
А ў Талачынскім раёне міліцыі ўдалося знайсці падазраванага ў здзейсненым раней злачынстве. 24 сакавіка раніцай у міліцыю паступіла інфармацыя, што за вечарам са двара мясцовага жыхара быў скрадзены горны ровэр. У крадзяжы падазраецца навучэнец 1995 года нараджэння.
