Спартовы сайт "Трыбуна" склаў рэйтынг самых дарагіх спартовых аб'ектаў краіны. У спіс 16-ці аб'ектаў трапіла і Лядовая арэна ў Оршы, прычым яна замыкае топ-10. А Калі казаць пра лядовыя палацы, то аршанская арэна — самая дарагая ў правінцыі, а ў цэлым па Рэспубліцы Беларусь яе апярэджваюць толькі сталічныя "Менск-Арэна" і "Чыжоўка-Арэна", на якіх праводзіўся хакейны ЧС-2014.
Вось як апісвае арэну ў Оршы сам сайт:
Лядовая пляцоўка на 3,5 тысяч месцаў была ўзведзена да канца 2013 года. На будаўніцтва спатрэбілася больш за тры гады і прыкладна 300 мільярдаў рублёў. На момант увядзення аб'екта ў эксплуатацыю даляр каштаваў каля 10 тысяч "зайчыкаў". Атрымліваецца, аршанскі лядовік абышоўся бюджэту мінімум у 32 мільёны даляраў.
Для параўнання, палац у Маладзечне "пацягнуў" на 27,6 мільёна, "Бабруйск-Арэна" 25-30 мільёнаў, у Баранавічах выкананне праекту ўмясцілася ў прамежак 21-27 мільёнаў. Супаставіць са сталічнымі буйнымі палацамі нельга і аршанскую арэну, розніца ў разы. "Чыжоўка-Арэна", як паведамляе артыкул, каштавала бюджэту 189 мільёнаў еўра, а "Менск-Арэна" усе 350, хаця на першапачатковым праекце планавалася пабудаваць яе за 105 мільёнаў.
Затое Лядовая арэна ў Оршы выйшла даражэйшай за толькі пабудаваны ў сталіцы Палац гімнастыкі (27 млн), коннаспартовы комплекс "Ратамка" (22,5 млн) і комплекс "Вікторыя" ў Берасці (15 млн).
