БЧ плануе абсталяваць вайфаем усе «Штадлеры» і дамаўляецца з мабільнымі аператарамі на ўсталяванне новых вышак для паляпшэння якасці сувязі ў беларускіх цягніках.
БЧ ўпершыню запусціла састаў з бясплатным інтэрнэтам у цягніках «Штадлер» на лініі паміж Менскам і Гомелем у жніўні 2016 года. Tut.by даведаўся, ці будуць абсталяваць вайфаем іншыя цягнікі.
- На кірунку Мінск - Гомель у нас працуюць два сямівагонных цягнікі бізнес-класу, абсталяваныя вайфаем, - пацвердзіў намеснік начальніка пасажырскай службы БЧ Аляксандр Казачок. - Потым мы паступова абсталюем пяцівагонныя «Штадлеры», якія ходзяць па розных напрамках. Напрыклад, да канца красавіка аснасцяць інтэрнэтам яшчэ адзін цягнік. Да Еўрапейскіх гульняў плануем забяспечыць вайфаем сучасныя цягнікі - «Штадлеры» ўсіх катэгорый.
Еўрапейскія гульні пройдуць у Беларусі з 21 па 30 чэрвеня 2019 года.
На БЧ адзначаюць: мантаж ўнутраных сетак, узмацняльнікаў і перадатчыкаў абсталявання, займае нямала часу.
- Кожная машына занята на перавозках, і вывесці яе з эксплуатацыі на два тыдні - гэта вялікія складанасці, - адзначыў Аляксандр Казачок. Доступ да вайфай на Беларускай чыгунцы прадастаўляюць па СМС, прычым не абавязкова быць уладальнікам сім-карты беларускага аператара.
Каментуючы якасць вайфаю ў цягніках на гомельскім напрамку, прадстаўнік БЧ адзначыў, што, паводле статыстыкі, да сеткі падключаецца кожны другі пасажыр.
- Людзі могуць стабільна карыстацца сацсеткамі, пошту паглядзець, навіны пачытаць, але, напрыклад, у рэжыме рэальнага часу вы не зможаце паглядзець відэа на YouTube. А на вакзалах хуткасці пры падключэнні да вайфай больш за дастатковыя.
Паляпшэнне сітуацыі з інтэрнэтам і сігналам мабільнай сувязі ў цягніках варта чакаць на асноўных напрамках: ад Гудагая да Гомеля і ад Брэста да Оршы.
- З'явяцца і дадатковыя вышкі для пакрыцця участкаў, дзе сувязі няма або яна дрэнная. Правялі папярэднія замеры ўзроўню сігналу не толькі звонку, але і ўнутры цягнікоў. Цягнік экрануе сігнал, а таму ўмовы прыёму ў іх горш, чым звонку. Калі казаць аб'ектыўна, вялікі працэнт нашых ліній ўстойлівых сувязяў не мае. Мабільныя аператары падрыхтавалі планы па паляпшэнню зоны пакрыцця, - паведаміў Аляксандр Казачок. - Там, дзе ёсць магчымасць, гэта зробяць на інфраструктуры Беларускай чыгункі, дзе няма - з'явяцца дадатковыя вышкі. Аператары рыхтуюць зварот па адведзеных для іх зямельных участках. Будаўніцтва адной вышкі займае ад трох да шасці месяцаў пасля таго, як атрыманы дазвол.
Пытанне дадатковых вышак прапрацоўваецца з кампаніямі МТС і velcom, кажуць на БЧ.
